Namm namm...

Vorum að koma úr mat hjá mömmu, Skúli bró eldaði að mestu þetta fína lambalæri og einhverja sjúka sósu með. Eins og honum einum er lagið. ;) Rós sys var líka þarna með voffana sína, og svo hún Tobba hans Skúla. Afskaplega nice.

Var að vinna í morgun og í gærkvöldi. Svo held ég, svei mér, að ég fari bara að hætta þessari vitleysu. Er ekkert að hafa uppúr þessu, og fæ ekki einu sinni rétt á orlofi þegar þar að kemur. Má nú svona varla við því.

Vika 16 á meðgöngu hefst á morgun, 2. mæðraskoðun á miðvikudaginn og sónar eftir mánuð.
Gvöð, ég held að ég springi áður en ég fer í sónarinn, ég er orðin svo hryllilega spennt að fá að vita hvort kynið það er sem er að kúra þarna í mallanum mínum. ;)

Allir að kommenta, atkvæðagreiðsla um kynið hjá henni Maju Pæju!

Nú er Stöð 2 dottið út hjá okkur, allavega svona þennan mánuðinn. Ekkert svo hrikalegt svosem, erum enn með Skjá1 og Sirkus, sem hafa að geyma svona flesta af uppáhaldsþáttunum mínum. Þ.á.m. America´s Next Top Model, Hell´s Kitchen, Friends... og svo ætla þessir snillingar á Skeinum að fara að sýna alla Sex and the City þættina! Ah, hvað ég var glöð. Var að pæla í að fá tækið aaaðeins lánað hjá múttu minni, og svo veit ég að hún á svona milljón áteknar videospólur sem hana vantar að losna við, so...

Þannig að ég mun alveg lifa þetta af, þótt ég viti nú ekki með makann.
Sú stöð sem ég sakna samt mest núna er Animal Planet... Man, ég gat legið yfir þessu tímunum saman, á daginn og á kvöldin. Æðislegt prógram.

Well, þetta er örugglega tómasta færsla sem ég hent hingað inn, læt "heyra" í mér þegar ég hef eitthvað merkilegra að tala um.
Eitthvað af viti allavega.

Until then...