Vinnufíkillinn Maja!

Halló!

Jamm, ég er orðin vinnufíkill. Er að vinna núna 13. daginn í röð án nokkurs frís. Hefði nú ekki haft neitt á móti því að liggja bara heima í kvöld og láta stjana aðeins við mig, en það verður þá bara á morgun í staðinn. Ákvað að taka að mér þessa kvöldvakt, svona einu sinni.

Við erum líka búin að vera að flytja og mála, þannig að það hefur sko verið nóg að gera. íbúðin ýkt fín, svona mátulega stór fyrir okkur vitleysingana.

Annars mest lítið að frétta, svona enn sem komið er. Samt hefur verið einhver ólga eða spenna í maganum undanfarna daga, svona eins og eitthvað stórt sé að fara að gerast. Við verðum bara að bíða og sjá hvað setur.

Jæja, hin daman mætt á vaktina, ætla ekki að vera dóni og hanga í tölvunni. Hún fer aftur kl. 21:30, kannski verð ég í stuði þá aftur.

Þangað til....