Been a while...

Ég sem ætlaði að vera svo dugleg að blogga þegar ég væri loksins komin með aðgang að netinu.
Ah, fuck it.

Svosem ekkert mikið að frétta; Smá geim hérna hjá okkur á morgun, bara "fámennt en góðmennt" fílingur.
Það er langbest þannig. Annars eru líka svo margir að vesenast eitthvað út á land, þannig að þetta verður alveg afskaplega rólegt. Það er ágætt, Sá Stutti verður líka heima osona.

Þá er maður líka löglega afsakaður ef einhver fer að draga mann í bæinn eða eitthvað, sem við erum svo engan veginn að nenna.

Við vorum að passa litlu krílin hennar Rósar systur í kvöld. Endalaust sætir American Cocker Spaniel hundar, ein tík og einn kall. Kallinn er pínu eldri, og hann er svo kelinn að maður bíður alltaf eftir að hann fari að mala þegar hann liggur og kúrir hjá manni í sófanum. ;)

Svo fer ég að þrífa hjá þessari konu á morgun sem mamma hefur verið að þrífa hjá, 5000 kall fyrir það..
Mamma sagði að ég ætti eftir að fá sjokk þegar ég kæmi þarna inn og sæi allar stytturnar sem ég þarf að þurrka undan... Hún er víst einhver brjálaður styttusafnari. Svo er hún víst líka svo gamaldags; það eru engar svona fínar moppur til að skúra með, heldur bara tuska og skrúbbur..! Það verður funky.

Og ef einhver getur sagt mér hver djöfullinn er í gangi á Deili þessa dagana, þá má sú/sá hin sama/sami endilega deila því með mér. Búin að vera tengd síðan einhvern tímann í gærkvöldi, en einhvern veginn er bara ekkert að gerast..! Óþolandi.

Jæja, ég verð nú að fara að reyna að sofa eitthvað í hausinn á mér, svo ég verði allavega eitthvað spræk hérna annaðkvöld eftir öll þrifin og eftir að hafa vaknað með pjakkinum...

Until next, bara....