OK, ég er búin að vera að ströggla við að setja þessa blessuðu gestabók inn, þannig að það er eins gott að þið skrifið eitthvað í hana! Og hver veit, kannski verður komin einhver aðeins flottari þegar ég er orðin flinkari... En bara þangað til, ciao

Já, þannig fór um sjóferð þá. Er að rembast við að setja svona counter fídus á síðuna mína, ég er greinilega ekki aaalveg nógu mikill nörd ennþá...
Anyway, sjónvarpsgláp og túrverkir. Prógrammið mitt í kvöld. Þið konur sem lesið þetta, ef einhverjar; Ég mæli ekki með koparlykkjunni. Endalaus leiðindi. Er búin að vera með öll einkenni þungunar síðustu 3 daga, soldið stressuð. Var farin að sjá fyrir mér akfeita Maju, rekandi kallinn útí sjoppu eftir hamborgurum, og litli kúturinn orðinn að taugahrúgu, sökum tíðra geðsveiflna móður sinnar. Hljómar ekkert sérlega interesting. EN, ég fæ sem sé að bíða í soldinn tíma ennþá.
Krakkarnir voru ennþá að sníkja Trick or Treat í dag. Hafa sjálfsagt fengið móral yfir að hafa ekki bankað uppá hjá mér í gær, þar sem ég var tilbúin með nammi í skál og alles. Ógeðslega geðug húsmóðir á Fågelvägen 3a....
Við kíktum aðeins í bæinn í dag. Kallinn var að leita sér að bók um flughræðslu, og hvernig hægt er að sigrast á henni. Ferlegt, hann má ekki sjá flugvél í sjónvarpinu, þá er hann farinn að svitna og kominn með óráð. Einu sinni, þegar ég var ennþá minni, þá var ég líka svona. En ekki lengur. Ligga ligga lái.
Það verður samt alveg ábyggilega nógu mikið mál hjá mér að fara að ferðast með litla guttann...ein...
Týpískt að maður lendi svo við hliðina á einhverju ekta íslensku viðskiptafífli, sem heldur að börn séu bara til að sitja og halda kjafti þegar hann veifar hendinni eða gefur einhverjar vafasamar augngotur.
En ég fer nú ekki að stressa mig neitt á því. Hann getur þá bara setið einhvers staðar annars staðar.
Jájájá....... Það er svo sorglega lítið að gerast hérna, að það er ekki einu sinni fyndið.
Ekki fer ég að tala um það sem er í fréttum hér, þar sem það er ekkert nema einhver morð og nauðganir og barnaofbeldi. Jafnvel allt þetta blandað saman. Kannski engin furða að maður sé orðinn hálf-beyglaður af að búa hérna... En það breytist nú bráðum..!
Þangað til næst, adios.

Já, góða kvöldið hér!
Af hverju ekki að prófa þessa vitleysu sem virðist vera aðal-hæpið þessa dagana...
Fékk smá inspiration frá meistara Dr. Gunna, hann er fær.

Svosem ekki mikið og merkilegt sem "maður" hefur að segja frá svona til að byrja með, en einhvers staðar verður maður að byrja.

Við hjónin (alltaf jafn gaman að segja þetta..) erum á fullu að undirbúa hinu miklu flutninga á klakann í enda nóvember. Erum komin með þessa (örugglega) fíneríis íbúð í Vesturbænum, þannig að við verðum að klæða litla drenginn í svart/hvít föt eingöngu fyrstu mánuðina til að koma okkur í mjúkinn hjá hinum sí-reiðu og ofsagengnu KR-ingum í hverfinu. En hvað veit maður, kannski er félagið löngu dottið úr tísku þarna á bæ.

En þangað til við látum sjá okkur, þá er það bara mellanöl að hætti frænda okkar Svía. Eru þeir ekki annars frændur okkar? Ah, who cares. Þeir eru ágætir, það er það eina sem ég veit.
Mellanöl er nefnilega fíneríis uppfinning; 2.8 - 3.5 %, og fæst í öllum helstu verslunum. Held að afgreiðslufólkið í litlu búðinni í litla bænum sé samt farið að líta okkur ágætis hornauga þegar við erum að ná okkur í forðann. En ég meina hey, kjaftasögurnar mega ganga mín vegna, við verðum flutt héðan eftir mánuð..! Það er nú heldur ekki eins og við séum einhverjir óbilandi alkar... Ekki enn að minnsta kosti.

Já, litli bærinn okkar í Svíþjóð. Hann er lítill. Um 2000 manns, allir þekkja alla. Nema okkur að sjálfsögðu, því við erum svo miklir lónerar. *Það gerir mellanölinn* Hehehe...
En ágætt að vera hér, engu að síður. Svona "allir heilsa öllum úti á götu" fílingur. Um það bil annar hver íbúi á hund, helst tvo, og svona 3 ketti í stíl. Fínt fyrir dýravininn mig.

Well, þið fáið kannski að lesa meira um okkar sænska líf síðar, kominn tími á meiri öl.
Ciao!

Hmm, er þetta svo kannski bara ekkert að virka hjá okkur?
Klukkan 8:45 á laugardagsmorgni sitjum við mæðginin og horfum á Svampbob Fyrkant (Spongebob Squarepants) með öðru. Fyndnir þættir. Rifja upp í rólegheitunum hvað ég hef verið að láta oní mig síðustu daga, þar sem ýmsir grunsamlegir verkir eru farnir að gera vart við sig víðsvegar um meltingarkerfið. Ætli þetta sé kannski hinn fyrrnefndi mellanöl sem er að gera uppreisn í mér..?

Klukkan hálfátta í gærkvöldi var hringt dyrabjöllunni. Grunsamlegt. Ég fer til dyra á meðan Ásgeir er viðbúinn öllu inní stofu með hafnaboltakylfu í hönd... OK, segi það nú kannski ekki alveg. En þegar ég opna dyrnar, standa tveir litlir, krúttlegir og uppáklæddir piltar, með sitthvortn glæra plastpokann og biðja um Trick or Treat! Það fannst mér bara mest skemmtilegt, svo skemmtilegt að ég gaf þeim heila öskju af smákökum. Við sáum einmitt fyrir okkur að þeir hafi hlaupið til allra hinna krakkanna og gefið okkur rokkprik, og fullt af þeim, fyrir magnið af góðgæti sem við ættum uppí skáp. Þannig að ég dreif í ð klippa niður karamellusúkkulaði og finna Dumle karamellurnar, henti öllu í skál og beið spennt eftir fleiri grislingum, litlum nornum og Festerum. En.... engir fleiri komu. Það fannst mér fúlt.

En hvað ætli gerist ef maður á ekki nammi handa greyunum? Ætli nornirnar breyti manni í frosk? Og Drakúla búningarnir sjúgi úr manni blóðið, með súkkulaði lengst útá kinn? "Mmmm, ekkert smá góður dessert eftir allt hitt nammið!"

Svo voru að sjálfsögðu sýndar ofsa hryllingsmyndir í gærkvöldi í tilefni dagsins... Addams Family Reunion, með Darryl Hannah sem Morticia...! Yep, það fannst mér líka baaaara asnalegt.

Lítill gutti farinn að horfa óþægilegum löngunaraugum á lyklaborðið........
Meira í kvöld, ef ég er í stuði. Adios!